【明報專訊】為咗向一班老友記表達關懷同敬意，社會福利署星期日(19日)會舉辦「長者日消費優惠」活動，長者到時憑長者卡去指定食肆同商店消費，都有特別折扣優惠。 Emily睇過商戶名單，唔少都幾吸引。老友記憑長者卡，喺全港各區嘅Fusion、Taste、International同埋百佳，買佳之選、超值牌、金御膳嘅產品，都會享有八五折。 喺惠康超級市場買御品皇、「首選」、特惠牌同埋優選品牌貨品，同樣有八五折。另外，長者去美心西餅買麵包有九折。 1200食肆店舖提供優惠 社署發言人話，至今有超過1200間來自18區嘅食肆及零售商店舖參加活動，當日會向長者卡持有人提供九折以上或其他形式嘅優惠。參加商戶會喺當眼處張貼海報，方便識別。想知詳情，可以喺「長者咭計劃」手機應用程式下載或瀏覽社署網頁(www.swd.gov.hk)，亦可以喺辦公時間致電2152 2846或2152 2847聯絡長者咭辦事處。
|
| |
| |
;)
