朱凱廸開問答會 答IES政治環保
[2018.08.10] 發表
【明報專訊】時值暑假，唔少中學生都正為通識科嘅獨立專題研究(IES)埋頭苦幹，新界西立法會議員朱凱廸有見及此，就決定幫學生一把，佢噚日喺facebook發文，話唔少中學生邀請佢做IES訪問對象，但人數眾多，佢冇辦法一一回應，所以佢月中會為學生舉辦3場問答會，一次過畀所有想訪問佢嘅學生參加，名額共80人。
朱凱廸話，正為IES趕工嘅中四同中五生，如果IES題目同政治、發展或環保相關，都可以報名參加問答會，第一場喺今月17號於立法會舉行，只接受中五生報名，名額40人，其餘兩場就喺18號，分別喺天水圍同屯門舉行，每場限20人，中四同中五生都可以報名。朱凱廸特別提醒同學，話報名時要填上佢哋想問嘅問題，佢會將問題整合，再喺會上一併回答。
更多港聞
【明報專訊】今年係國家推行改革開放40周年，政府發言人噚日宣布，政府以「飛躍四十載 同發展?共繁榮」做慶祝主題，為鼓勵社會各界、地區組織搞慶...
詳情
【明報專訊】香港租金昂貴，令唔少創業新手或者藝術家搵地方時好頭痕。政府舊年10月公布首批「青年共享空間計劃」，由官商民協作，為年輕人提供優惠...
詳情
相關新聞
