【明報專訊】現時大學生精神壓力都唔細，中大花?約25萬整咗個健行手機程式，學生可跟住入面3條步行徑，喺校園散步排解抑鬱。最長嘅路線有9.2公里，喺大學站出發，途經9個書院、天人合一亭、未圓湖等地標。另兩條路線一條長1.6公里，一條4.2公里。 校園3條步行徑 可跟住散步 程式有定位系統，記錄學生行走距離、時間、燃燒嘅卡路里，去年10月到𠵱家有近3500人註冊使用。中大體育部主任梁鳳蓮話，相信同學多啲走出戶外，對情緒都有正面影響。 中大又喺今個學年推出運動伙伴計劃，鼓勵學生同朋友組隊定期運動。中大協理副校長兼大學輔導長陳浩然話，參與學生每星期要去健身室兩次，每次1小時，並填寫日誌，每學期累積50小時將獲紀念品；同學互相鼓勵鞭策，有少少競賽性質，有55人參與。 另外，中大亦將於明年5至6月興建新嘅健身室，料2020年落成。
|
| |
| |
;)
