荃灣區議會選主席 幾分鐘搞掂
[2019.04.26] 發表
【明報專訊】大埔區議會本月初選舉新主席，民建聯黃碧嬌打敗新民主同盟任啟邦當選；噚日就到荃灣區議會舉行特別會議選舉主席。由於過去循鄉委會主席成為當然議員嘅區議會主席鍾偉平早前未有競逐連任，令主席一職懸空，不過荃灣區議會就非常和諧，本身係副主席嘅黃偉傑喺無對手之下自動當選，整個選舉過程只係花咗幾分鐘。
副主席黃偉傑自動當選
屬於新界社團聯會嘅黃偉傑，獲得建制派唔同板塊支持佢做主席。佢提交嘅提名表格當中顯示，由民建聯立法會議員陳恒鑌提名，附議者就包括實政圓桌立法會議員田北辰，以及工聯會區議員葛兆源。
而已退任嘅鍾偉平，噚日亦有現身荃灣區議會呢次特別會議，佢以公眾人士身分出現見證「接班人」，並同區議會嘅人合照。
更多港聞
【明報專訊】港大民研3至4月分兩階段做行政會議成員民望調查，結果顯示，對比5個月前，以熟悉程度計，葉國謙取代李國章進入五大行會成員。五大行會...
詳情
相關新聞
