【Emily】駐軍瞻仰抗日烈士紀念碑
[2019.09.21] 發表
【明報專訊】大埔烏蛟騰抗日烈士紀念碑喺今年「九一八事變」88周年前夕畀人塗污，寫上「反送中」字句，惹起愛國人士反響。
抗日烈士紀念碑喺紀念二戰時參與抗日嘅東江縱隊港九大隊成員同軍民，今年除咗有團體去紀念碑舉辦悼念活動，原來駐港解放軍部隊都率隊去烈士紀念園瞻仰。
話要「傳承紅色基因」
中國人民解放軍南部戰區官方微信公眾號噚日發帖，話駐港部隊喺九一八前夕去到紀念園緬懷革命先輩，「傳承紅色基因，激勵廣大官兵銘記歷史、履行使命」，兵哥高唱國歌，並向紀念碑獻花圈、默哀、三鞠躬，從相中睇嚟，紀念碑上嘅噴字已被清走。
更多港聞
相關新聞
