【Emily】勞動節酒會取消 提早讚勞工界
[2020.03.28] 發表
【明報專訊】每年5月1日係國際勞動節，政府噚日宣布，因應疫情最新發展，原定4月28日喺會展舉行嘅「勞動節酒會2020」會取消。政府話，再次感謝勞工界為本港持續發展作出莫大貢獻，會繼續採取適切嘅支援措施，減低疫情對勞工巿場同僱員嘅負面影響；雖然距離勞動節仲有成個月，政府已經提早讚賞、肯定勞工界。
政府發言人話，政府每年舉辦勞動節酒會，向本地勞工界致敬，感謝佢哋一直喺推動香港發展方面擔當重要角色，但基於疫情嘅最新情况，經審慎考慮後，要取消本年度酒會，以減少社交接觸，降低病毒傳播風險。
1999年開始每年都舉辦
勞動節酒會自1999年開始每年都舉辦，當年係特區政府首次將國際勞動節列為法定假期，仲喺禮賓府舉行酒會，由時任署理行政長官陳方安生主持。
更多港聞
相關新聞
