【Emily】去年長期沒回家 一哥憶妻探班泛淚光
[2020.10.14] 發表
【明報專訊】警務處長鄧炳強上任「一哥」差唔多一年，早前接受中新社專訪，回顧上年反修例風波。佢話一眾同事面對大型暴亂，畀人攻擊、起底等，但仍盡忠職守，話對能夠同呢個團隊工作感到光榮。鄧炳強講起太太時仲眼泛淚光，話上年有一段好長時間無返屋企，印象最深刻係太太攞住一壺湯同替換衣物去警署探佢，佢喺訪問連續講咗3次「好感動」，仲話當時「要忍住唔好喊出嚟」。
對師弟妹自稱「暴大人」五味雜陳
作為中大畢業生，鄧炳強對師弟妹喺學生會迎新辭自稱「暴大人」，內心五味雜陳，佢話部分年輕人對國家嘅敵視係源於唔了解。鄧炳強亦提及《港區國安法》，認為能夠填補過去嘅法律漏洞，𠵱家執法者有法可依，而實施3個幾月，已明顯見到對香港社會嘅穩定發揮重要作用，話自從實施後有人態度轉變，社會上確實少咗大量鼓吹「香港獨立」嘅情况。
另外，警方上月修改《警察通例》下傳媒代表定義，鄧炳強話，「以往見到好多著黃背心嘅人走埋嚟，甚至部分可能會搶犯，或者對我哋同事構成危險」，話呢種情况下必須劃封鎖線。佢認為，警方採納政府新聞處制度下登記嘅傳媒，係公平、有透明度嘅制度。
Emily最近亦喺網上見到鄧炳強著起「一柴」(高級警員)制服嘅相，了解後，原來警方正拍攝宣傳片，一哥有份客串小角色，話要向前線同事致敬，但宣傳片出街日期就未落實。
更多港聞
【明報專訊】熱帶風暴「浪卡」令香港噚日掛起8號風球，係近年少見日間全日都掛風球，令部分打工仔多咗日「風假」，學校亦停課。每次有風暴逼近，網民...
詳情
【Emily】田北辰扮麻煩乘客 要司機勸扣安全帶
【明報專訊】實政圓桌田北辰（MT）2015年已要求政府喺小巴裝安全帶感應器，佢噚日喺facebook出帖介紹，話運輸署9月底陸續喺8條專線小... 詳情
畫政治漫畫被投訴 丟職教師出書 畫時事兼教概念詞 寄語舊生
【明報專訊】在社交網站以「vawongsir」筆名發表政治漫畫而遭人向教育局投訴、早前不獲任教中學續約的黃老師，下月將出版首本圖文集《假如讓... 詳情
【明報專訊】教育局昨日因應熱帶風暴「浪卡」來襲宣布停課。目前學校以半日制上課，部分學校下午會安排學生上網課，有學校昨日亦暫停網上課堂，原因是...
詳情
相關新聞
