【Emily】皇仁舊生會DQ何君堯 停會籍至2022年 何：冇影響
[2020.10.30] 發表
【明報專訊】建制派立法會議員何君堯一向言行惹火，近日再度捲入風波，消息話皇仁舊生會近日決定暫停佢嘅會籍至2022年。何君堯噚日同Emily講，消息對佢「一點塵埃的影響也沒有」，又話收信時「處之泰然，冇感到驚訝」。佢話「I have nothing to lose(我冇嘢損失)」，但就唔知道皇仁舊生會有冇損失喇，只係「肯定佢無嘢gain(賺咗)」。何君堯去年喺7．21元朗襲擊事件當晚被拍攝到同白衣人握手，佢母校皇仁書院一批師生之後聯署譴責，要求皇仁舊生會廢除何嘅會籍。
7．21與白衣人握手 八成會員稱損聲譽
據了解，皇仁舊生會上年就事件收集781名會員嘅意見，結果約83%嘅人認為何君堯嘅行為損害舊生會嘅聲譽同利益，應終止其會籍。根據《皇仁舊生會會憲》，會員如果行為不當或其操守可能損害舊生會嘅聲譽或利益，經出席執委會會議嘅執委四分之三多數通過，就可以終止該會員嘅會籍，而會章訂明被終止會籍嘅人可以重新提出入會。
何君堯同Emily講，自認好「吸火力」，又提到雖然自己喺議會屬少數，但批評有建制派「除咗識擦鞋、擦阿爺之外，你冇一啲建樹令到香港同內地之間嘅實際操作(有進展)」。
更多港聞
【Emily】鄧炳強客串撐警歌MV 獲讚演技進步
【明報專訊】警方噚日推出新片，宣傳藝人鍾鎮濤（阿B）嘅撐警歌曲《捍衛香港》，警務處長鄧炳強更粉墨登場。短片講述一名警員喺電梯偶遇一哥，一哥問... 詳情
【Emily】趕認購熱潮 容海恩陳振英抽「螞蟻」
【明報專訊】新股螞蟻集團（新上市編號︰06688）喺香港集資，全城瘋狂認購，連議員都唔執輸，新民黨容海恩（Eunice）前日趁熱潮，請金融服... 詳情
【Emily】中大盧煜明、江培勇 膺全球「20頂尖轉化研究科學家」
【明報專訊】中大醫學院副院長（研究）及化學病理學系系主任盧煜明，同化學病理學系助理教授江培勇，獲權威科學期刊《自然生物科技》選為「2019年... 詳情
【明報專訊】近日新型冠狀病毒疫情稍為緩和，有傳教育局約見教育界討論恢復全日上課。教育局昨回覆本報查詢稱，學校仍會繼續維持半天上課安排，現階段...
詳情
相關新聞
