【Emily】港大選學生校委 會長葉芷琳贏出

[2020.11.14] 發表

【明報專訊】一連三日嘅港大校委會本科生代表選舉噚日結束，結果由學生會會長葉芷琳(圖)當選。葉芷琳將接替李梓成，下星期一(16日)起成為校委會本科生代表，任期一年。葉芷琳話就快卸任嘅李梓成教咗佢唔少嘢，包括校委會開會程序、重要議題等等，又提醒佢開會前要做足功課，要同李梓成講聲多謝。

港大校委會共24名委員，其中一人由港大全日制本科生選出。今次投票喺網上舉行，葉芷琳攞到1816票，大幅拋離對手、得67票嘅四年級生麥嘉晉。計埋今次，麥嘉晉已經連續參選兩屆本科生代表選舉，但都輸咗。

夾埋唔夠2000人投票

計番雙方得票、棄權票同廢票，夾埋唔夠2000人投票。葉芷琳話由於選舉喺網上舉行，𠵱家又唔係人人都要返港大上堂，自己就算擺街站都唔多人見到，難啲令同學關注，但佢認為同學仍然關心同熟悉校政。

更多港聞

【明報專訊】立法會財委會噚日討論商務及經濟發展局嘅保留編外職位建議，即係保留個官員執行工作，呢個職位有份制訂立法建議規管人對人促銷，唔少議員... 詳情

【明報專訊】無民主派嘅立法會進入「新常態」，立法會大樓2樓會議室外嘅走廊，唔見咗一年嘅長梳化重現。去年5月因反修例而爆發議會衝突，建制泛民喺... 詳情