【Emily】環團派250萬個「新生」利市封
[2021.02.03] 發表
【明報專訊】已婚者同唔少長輩都會喺新年派利市，收嘅人開心接過祝福，但同時亦製造咗大批利市封垃圾，環保團體「綠領行動」喺舊年新年後，收集咗超過350萬個利市封，佢哋噚日起至年三十(2月11日)會喺各區免費派發當中逾250萬個「新生」利市封，鼓勵市民減少買利市封，既慳錢亦支持環保。派發點包括商場、屋邨、社福機構及議員辦事處。
綠領行動話，過去一年經過社福機構學員篩選、分類及重新包裝後，有逾250萬個新生利市封可重用，未來轉化嘅亦會盡量留用製作掛飾。
商場屋邨議辦社福機構派發
綠領行動助理項目經理葉翠雯話，舊年有唔少區議員主動聯絡佢哋派新生利市封，今年特別預留100萬個供議員辦事處派發，反應十分熱烈。
更多港聞
【明報專訊】勞顧會勞方代表、工聯會鄧家彪噚日發公開信，「十問」勞工及福利局長羅致光點解仲未有失業援助金，佢邀請羅致光走出辦公室，公開辯論「設...
詳情
相關新聞
