【Emily】譚耀宗批有官員「事不關己 高高掛起」
[2021.02.26] 發表
【明報專訊】民建聯上月提出「變革香港」，民建聯會務顧問、全國人大常委譚耀宗噚日話，該黨會研究點改善「問責制」。佢點評政府雖然努力，但做好多嘢都唔夠全面、有好多疏漏，又話特首選舉後得幾個月埋班，形容管治團隊個個「散兵游勇、雜牌軍咁」，唔夠團隊精神，仲不點名批評有官員「事不關己、高高掛起」；而好多政務官處理政治問題「有心無力」。佢話民記成立近30年不斷輸出政治人才，司局長都有，透露未來會搞管治人才培訓課程，再自我提升參政、議政能力。
被問民記派人選特首否
譚sir讚李慧琼「唔錯」
民記話要多渠道參與管治，咁會唔會直接派人選特首？黨主席李慧琼(Starry)又適唔適合？譚sir大讚Starry「唔錯」，有豐富地區經驗，又係區議會同立法會議員，仲做埋立法會內會主席；本身係專業人士又年輕。讚到咁樣，係咪要推Starry去馬？譚sir就話要睇佢意願同民建聯成員睇法，「冇話佢特別去或唔去」；但點都好，Starry都係愈嚟愈成熟嘅有能力從政者，民建聯喺佢帶領下上晒軌道。
更多港聞
【Emily】陳智思：青年唔信兩制源於不了解內地
【明報專訊】唔少年輕人都不滿政府，又對中央、一國兩制抱懷疑同不信任態度，行政會議召集人陳智思就認為，唔可以怪責年輕人對中央同一國兩制不信任，... 詳情
【Emily】教大初創賽 5隊各獲15萬創業金
【明報專訊】大學鼓勵學生實踐初創夢想，教育大學噚日舉行「教育與社會企業家基金（EASE Fund）線上總決賽」，5支由教大學生或校友組成嘅獲... 詳情
【明報專訊】前年反修例運動令校園氣氛緊張。教育局副局長蔡若蓮昨於立法會教育事務委員會特別會議稱，局方接到的25宗警察子女遭欺凌個案，全部已處...
詳情
相關新聞
