【Emily】明報JUMP周六招聘日 200職位空缺

[2021.04.09] 發表

【明報專訊】疫情下經濟低迷，要轉工同求職都唔易。明報JUMP聽日舉行「JUMP招聘及進修日2021」，設招聘職位及課程諮詢攤位，場內分「護理‧社福‧教育專區」及「企業專區」，共有25間來自各行各業嘅機構駐場。參加者可以帶埋履歷、學歷證明、工作證明等，即場遞表應徵或報讀進修課程。

9場專題講座講前景教面試

活動喺金域假日酒店舉行，中午12點開始，共有9場專題講座，涵蓋各類行業嘅發展前景，好似醫管局新界東醫院聯網主講「醫護支援工作簡介與就業前景」、東華三院主講「社福護理行業青年新勢力」等，亦有實用知識，好似香港中華基督教青年會主講「成功視像面試Tips」。

如果想搵工，場內機構提供200多個職位空缺。好似「企業專區」雲集多間大型企業參展，唔同入職門檻嘅職位空缺都有，例如餐飲服務方面嘅店長、副經理、中廚、侍應、機電學徒，金融及地產服務嘅經理、顧問等。

溫馨提示，參加者要預先報名，並填妥健康申報表，入場時會有工作人員確認。

報名方法：event.mingpao.com/event/jumpcareerday2021

更多港聞

【明報專訊】海洋公園動物團隊發現大熊貓盈盈樂樂又開始發情，公園噚日開始暫停對外開放「大熊貓之旅」，直至另行通告，畀兩隻大熊貓可以準備交配。 ... 詳情