【Emily】建制組織fb發布政府未發消息
[2021.05.15] 發表
【明報專訊】立法會三讀通過《2021年公職(參選及任職)(雜項修訂)條例草案》，區議員將要宣誓，但民政事務局仲未公布幾時宣誓，同點處理唔宣誓議員嘅薪津問題。由建制派組成嘅「元朗監察議會聯盟」發布政府都無公布過嘅消息，前日深夜喺facebook話，「據了解」冇收到宣誓邀請嘅區議員會被褫奪議員資格。
「元朗監察議會聯盟」話條例會喺5月21日刊憲執行，又話「據了解，特區政府將會向區議員發出宣誓邀請，無被邀請，即將會被褫奪議員資格」；而無獲邀時，須繳還2020年起就任議員時嘅薪酬、雜項開支同營運開支合共約142萬費用。
稱無收宣誓邀請議員會DQ
政府發言人回覆話，會按條例落實有關宣誓的規定；至於發放議員酬金、津貼和開支償還款額安排，民政事務總署會根據《有關香港特別行政區區議會議員酬金、津貼和開支償還款額安排的指引》處理。
更多港聞
相關新聞
