【Emily】接鍾錦麟掌西貢區會 周賢明：佢係我哋嘅議長
[2021.05.26] 發表
【明報專訊】原本係西貢區議會主席嘅鍾錦麟涉及民主派立選初選案，目前正還押，佢早前辭任區議員，令主席一職懸空。西貢區議會噚日舉行特別會議重選主席，由於冇其他競爭者，副主席周賢明自動當選，成為新一任區議會主席，任期去到今年底；副主席一職暫時懸空。周賢明自1991年起擔任區議員，連勝8次區議會選舉，在任約30年。
周賢明當選後話，今次唔係一場開心嘅選舉，自己亦非好似部分前議員所講「恨咗(做主席)好耐，如果我真係恨咗好耐，就唔需要咁多考慮同掙扎」。佢形容鍾錦麟係「我哋心中嘅議長，但因為某啲原因而唔能夠喺我哋當中」，指近期有唔少同事遇到困難，甚至係「落難」。
連贏8次區選 在任約30年
周賢明仲話，心願係希望市民支持嘅每位議員能夠在任，至少截至本屆結束；佢形容今次當選區議會主席有如大學嘅班代表，冇特別多嘅權力，反而會自我約束提出動議嘅機會。佢話希望學習接納唔同板塊嘅理念同做事方式，亦希望政府理解每個區議員，「大家知我(平日)鍾意企後面，但今次唔係我行前，而係側邊嗰個冧低咗，希望大家扶住我，我哋大家一起並肩同行」。
更多港聞
【明報專訊】連日天氣炎熱，立法會前議員邵家臻早前收集到逾10萬個簽名，希望懲教署以人道理由，可以新增預防中暑物資等，至今懲教署對佢提出會面要...
詳情
【Emily】屯馬線揭車站主色 網民關心幾時通車
【明報專訊】港鐵屯馬線將會喺今年第三季通車。港鐵噚日喺facebook發文，分享3個即將啟用嘅屯馬線新車站主色，其中宋皇臺站採用黃色，土瓜灣... 詳情
【明報專訊】粵港澳大灣區係中央重點推動項目之一，財政司長陳茂波噚日喺大灣區科技創新論壇錄影致辭時話，國家「十四五」規劃明確支持香港建設國際創...
詳情
相關新聞
