【Emily】霍啟剛倡放寬牌照救戲院 舉例內地打住邊爐睇戲……
[2025.06.06] 發表
【明報專訊】近年香港有多間戲院結業，單係嘉禾院線今年就有3間。立法會體育、演藝、文化及出版界議員霍啟剛(圖)噚日喺電台節目提到，上年有9間戲院結業，今年至今已經有5間，形容戲院業界情况好嚴峻。面對咁嘅情况，霍啟剛建議政府放寬牌照限制等，畀戲院開拓業務，仲舉例話內地有戲院可以打邊爐，不過佢又即刻話「未必係好事，可能會影響觀眾」。唔知大家又點睇呢？
霍啟剛分析，香港戲院票房收入同美國荷李活電影票房掛鈎，後者佔香港票房七至八成，近年荷李活電影票房唔理想，都影響到全球票房。至於本港戲院方面，佢分析話戲院佔嘅面積比較大、租金貴，所以利潤好少，單靠賣飛只係「啱啱回到本」，係靠小食、飲品呢類額外收費救市。佢就建議政府放寬牌照，除咗諗吓打邊爐，又建議政府應該容許直播球賽，又或者搞現場表演，畀戲院開拓業務。
更多港聞
【明報專訊】民青局噚日舉辦區議員培訓講座，分享傳媒生態並教導應對媒體技巧。據了解，政府邀請咗資深傳媒人盧永雄擔任主講嘉賓，提到「設定議題」嘅...
詳情
教局開班削資簡介 有校長指無新資訊 有稱助理解 津中議會：氣氛未見激烈
【明報專訊】教育局上周宣布改動中學開班機制及削減營辦資助總額一成的安排。局方昨舉行簡介會，向中小學代表講解兩項新政策詳情，局方稱約800名學... 詳情
相關新聞
