【Emily】團體辦展呈現寵物店「真相」
[2025.08.16] 發表
【明報專訊】一張張幼貓幼犬萌態海報，寫住「4個月大短毛貓」、「純種法鬥」吸引人注意，但唔好以為係普通寵物店或繁殖場嘅招徠，其實係NPV非牟利獸醫服務協會動保資料館策劃嘅「真相寵物店」體驗展。展覽還原貓狗繁殖場入面既狹窄又不見天日嘅動物籠，仲列出唔少寵物店「真相」，例如繁殖場為追求特殊毛色或特徵而安排近親繁殖，增加動物患遺傳病風險。
體驗館內用上強烈嘅綠色、黃色同紅色燈光，寵物籠一個疊一個，營造昏暗不安嘅氣氛。唔少貓狗爸媽都係被走私到香港，2022年一宗走私動物案就發現一個膠籠內有16隻貓，體驗展就設互動裝置，請參觀者將12隻貓貓狗狗公仔放入一個32厘米闊、30厘米高、長48厘米嘅「飛機籠」，希望更直觀呈現「成件事有幾咁荒謬」。體驗展由即日起至年尾喺太子界限街萬安大樓地下舉行，周末同公眾假期休館。
更多港聞
【Emily】新光黃埔今開幕 播《教父》《烈火青春》 票價劃一80蚊
【明報專訊】「新光黃埔」戲院今日開幕，4間影院共1200個座位，引入6個戲種嘅影院，迎合老中青三代觀眾嘅需要。根據官網，開幕首3日上映多部經... 詳情相關新聞
