【明報專訊】美國駐港總領事夏千福(右)噚日到訪港大李嘉誠醫學院，了解醫學院嘅教學模式。夏千福噚日仲未喺facebook貼相，港大醫學院已出稿，話夏千福此行係為咗祝賀護理學院教授及學院院長羅鳳儀，成為2015/16年度研資局——富布萊特(香港)學人計劃嘅其中一名獲獎者。夏千福仲有同醫學院長梁卓偉(左)交換紀念品。 Emily睇真啲，同一份新聞稿嘅前半部係上月22日醫學院接待全國政協副主席韓啟德率領嘅代表團，梁卓偉向韓啟德分享醫學院嘅願景同宗旨，寄望醫學院與內地教研單位喺醫學教育及研究上有更多合作。其實夏千福同韓啟德到訪醫學院目的唔同，可以話係兩回事，但梁卓偉巧妙地將兩件事擺埋一齊出稿，既政治正確又有所交代，不愧為前特首辦主任，政治觸覺敏銳。圖為梁卓偉與夏千福交換紀念品，梁獲贈珍藏紀念硬幣，夏千福獲贈醫學院領帶。 (港大李嘉誠醫學院提供)
|
| |
| |
;){kind=small}
