【明報專訊】演唱：河國榮、MC仁 原作歌詞：MC仁、陳少琪、陳奐仁 改編歌詞：林日曦、徐璋霖 對於呢個地方 我同你同一個同感 同一個諗法 我同你同一種人 雖然你有你忙 我有我忙 佢有佢忙 各有各行業 但係聽過同一首王傑 廣東道旁北京道旁 啲篋塞爆同一個海港 大把小店摺埋就係 我哋呢一個香港 右邊有好多金行 左面有好多藥房 面目全變 仲係唔係我哋嗰一個香港 經過幾多風暴啲樓價仍然屹立不倒 慈雲山下馬鞍山下 依舊死做爛做 新機場唔再新 但係話想整多條跑道 舊車廂唔再用 但新車廂有故障信號 新老總 新報紙 新TV 新主持 邊個話事我唔懂事 基本上唔再係白紙黑字 經過幾多清洗 真港仔仍然係真港仔 見過幾多瘋狼真港人 仍然係真港人 同熱愛這片土地 大家刻骨銘記 愁或喜 生與死 也是香港地 同熱愛這片土地 大家一句到尾 由自己 生與死 也在香港地 喺得呢個地方出世 就預咗喺呢個地方度死 有人會痾到黃金遍地 搞到有陣黃金味 有人會睇到唔一樣 樣樣嘢怪塊土地 有人會屈人宿娼嫖妓 有人會選擇離地 有人會認為呢個係六八同九嘅問題 呢度嘅官員一齊吹水 點會居安思危 七百萬隻螞蟻 唔容易走晒出嚟 向住同一個電視睇 一定會鍾意梁烈唯 係真香港人 當然會識英雄輝 係真香港人 可以睇埋同一篇潮文 你一崇拜馬雲 就表示你係第二種人 資料來源：毛記電視
|
| |
| |
