【明報專訊】機場管理局喺facebook推廣一個名為「機場你想點就點！」活動，邀請市民就機場應有乜嘢設施等發表意見。機管局簡介比賽時話：「飛機改裝的膠囊旅館、應有盡有的健身室、遊樂場甚至是動物農莊？」單單呢個fb宣傳已吸引唔少網民留言，至噚晚暫時獲最多人讚好嘅係Dennis Yung嘅留言，佢話﹕「改善下行李帶，登機橋，其他咩健身室請收X！搭得飛機都係趕時間，仲得閒同你去玩gym」，佢又質疑興建三跑前請先解決空域問題。 該帖至今獲逾200個留言，天文台前台長林超英分享有關連結，並形容「告訴機管局你想點，留言很好看」。其他獲較多人讚好嘅留言有： Siu Kam Ting：「起游泳池啦，等職員食飽飯可以游二十分鐘水。再唔係起返個溫室，比唔同國籍嘅人在等待上機嘅時候可以試下種有機菜」；KaFai Chan：「整個六四展館，向世界人民講解展示六四歷史，展現我國敢於面對歷史的胸襟，提升本地國際形象」；Chris Wong：「我想唔起三跑，你又肯唔肯聽？其實你地做事都一意孤行架啦，搞呢個比賽有意義咩？」
|
| |
| |
;){kind=small}
