【明報專訊】泛民及建制政黨，近日都積極為9月立法會選舉催谷選民登記，公民黨就為此整咗百幾幅宣傳橫額，主打特首梁振英(CY)牌，叫人登記做選民「vote him out」，而口號係「狼英去留 九月公投」。其實，市民登記做選民，係無份選特首，無得vote任何人out嘅，但公民黨中人就話，泛民喺去年區議會選舉及今年立法會新東補選取得佳績，而預料9月立法會選舉如果民主派報捷，會對CY連任有影響，所以就用呢個主題鼓勵市民及時登記做選民，9月出嚟投票。 鍵盤戰線搞方丈選民登記吸年輕人 除咗政黨，早前參與反對版權修訂條例草案嘅鍵盤戰線，同部分團體喺網上搞「我是方丈選民登記，網絡廿三票債票償」行動，話要鼓勵年輕人登記成為選民，並用選票向支持「網絡23條」嘅議員表達不滿，仲話「因為，我們都是方丈，We don't forget or forgive!」
|
| |
| |
