【明報專訊】上月卸任嘅美國駐港澳總領事夏千福之前喺facebook做直播訪問，同網民妙問妙答；英國駐香港及澳門總領事吳若蘭(圖)最近亦喺「UK in Hong Kong」嘅facebook專頁預告，會喺下周四(8月18日)下晝1點做直播，仲話網民可以預先留言發問，等吳若蘭有機會親身解答。 「一定問你點解當年冇公投」 Emily留意到消息一出，至噚晚已經有幾十個網民留言，主題離唔開香港前途問題。有網民話「一定好多人問你點解當年冇referendum(公投)」，一啲網民話香港要「回歸」英國，又「希望總領事同事頭婆講，香港人十九年來活在水深火熱嘅境况；宣告中英聯合聲明作廢」。但有網民睇得好通透，留言話吳若蘭又「點會覆你政治敏感問題呀」，究竟最終佢會點回應香港前途問題，拭目以待喇。
|
| |
| |
;){kind=small}
