【明報專訊】團結香港基金關注唔同政策，包括創科、港人創業等範疇，前日立法會選舉結果出爐，但係基金會成員就一於少理，由前特首、基金主席董建華帶隊去深圳睇港人喺深圳創業情况，隨團嘅唔少達官貴人，好似前財政司長梁錦松、全國政協委員丘達昌、呂耀東、科大校長陳繁昌、前行會成員林奮強等。 一行40人喺深圳其中一個目的地就係深圳觀瀾湖藝工場，觀瀾會主席朱鼎健親自介紹。呂耀東話覺得藝工場構思好，可以幫助香港年輕人發揮獨特個性，一展所長，體驗手作樂趣。 梁錦松就對鐵皮玩具有興趣，話勾起唔少童年回憶。 選舉之後去深圳，除咗考察，唔知董建華同埋被視為有意參選特首嘅梁錦松，有無討論吓選舉結果，或者同官員見吓面呢？
|
| |
| |
;){kind=small}
