【明報專訊】聖誕節就到，除咗同親朋至愛慶祝，有無諗過「送暖」呢？立法會前主席曾鈺成今年就同一個慈善團體合作籌款，佢仲親身拍咗條片呼籲大家支持，片中佢一人分飾三角，又搖鈴又主唱又和唱，非常投入。 曾鈺成話自己幫「兒童發展配對基金」嘅聖誕頌歌節籌款，佢喺facebook上載咗一條聖誕歌嘅片段。Emily建議大家要開聲睇，因為曾鈺成除咗喺畫面上一人分飾三角，用搖鈴伴奏之外，仲自己唱埋𠻹！網民只要like(讚好)呢個帖文，或者share(轉發)時加埋個hashtag(標籤)就可以幫手籌款㗎喇，一個like籌到一蚊㗎！ 佢仲喺個post度標籤咗「#唔止五毛」，夠晒幽默！有網民就留言，問佢點解唔搵立法會議員梁國雄做佢隻鹿喎，而自由黨田北俊喺facebook留言笑住話：「阿成！你仲瘦過我，唔似聖誕老人喎！」曾嘅fb回話：「多謝！而家聖誕老人都識瘦身㗎喇。」
|
| |
| |
;){kind=small}
