【明報專訊】岑麗香與鍾嘉欣、李亞男、王君馨、苟芸慧曾被封「處女黨」，但隨着成員陸續出嫁，現在只剩下苟芸慧未有嫁期。 鍾嘉欣戥香香開心 成員們對岑麗香宣布婚訊都開心恭賀，已為人母的鍾嘉欣昨日帶女兒Kelly與馬浚偉聚會，馬浚偉大讚Kelly得意又乖，玩成個鐘都無喊，似爸爸又似媽媽。鍾嘉欣回覆《明報》恭喜香香，說她與強強是甜蜜一對，戥她開心。她說﹕「其他好姊妹都結婚了，今年真的是好年！」 祖藍陪唔到亞男參加婚禮 日前宣布與男友訂婚的王君馨明年才成人妻，對於被香香爬頭嫁先一步，她說﹕「爬過我頭唔緊要，完全非常Ok，戥香香非常開心，知她跟Joshua(強強)祈禱好耐，已知對方是Mr. Right.同Mrs. Right，希望他們早啲拉埋天窗，白頭到老，永結同心，日日都開心。Joshua是一個好細心、幽默嘅男仔，佢一定會好好照顧香香！」 李亞男老公王祖藍表示太太會赴加國出席香香婚禮，他說﹕「亞男會去參加婚禮，我就留喺香港，因為要工作過唔到去。其實香香結婚我一直都知道，好開心佢今日終於鼓起勇氣宣布咁開心嘅喜訊，祝福香香、強強幸福快樂！婚禮嗰日順利甜蜜，快點返港同我哋食飯！」 文﹕娛樂組
|
| |
| |
;){kind=small}
