【明報專訊】民生書院一班資深校友噚晚設宴，慶賀老校長陳伯民嘅百齡華誕。陳校長喺1937年畢業於民生書院，1952年重返母校做校長。佢喺29年任期裏面，帶領民生書院中學部由私立轉為資助學校，又致力擴建校舍，提供舒適學習環境畀師生，備受愛戴。 陳校長退休36載，一直牽掛尚未落成嘅中學部禮堂。現任校長陳嫣紅話，老校長清楚記得政府喺1978年曾經承諾，話每間資助中學都可以擁有禮堂，事隔39年，期望依然落空。陳嫣紅又話，眼見香港林林總總嘅基建相繼落成，例如地鐵、青馬大橋、機場等等，相信連「一地兩檢」高鐵都就快開通，反觀民生書院建設中學部禮堂遙遙無期，陳嫣紅反問政府喺呢件事上，叫百歲老人、莘莘學子情何以堪呢！
|
| |
| |
;){kind=small}
