【明報專訊】杜汶澤繼前日不點名斥商台節目主持問他多年前與吳君如、劉德華傳不和的問題後，昨日再在fb撰寫千字文發炮，開名鬧該主持在錄音前嘲笑他：「等了這個訪問你的機會好耐，你知你幾少戲拍！」 杜汶澤近年因政治立場，令工作量減少。他提到由2014年冬天開始，他的生活似進入寒冬。朋友疏遠他，敵人笑他，他原本1年拍8部戲，閒閒地搵1000萬、2000萬元，到1年拍1部，漂洋過海或在電視台教焗雞。他認為有手有腳，餓不死。他慨嘆：「人情冷暖，世態炎涼。如果我因為做嘢做得唔好，我唔紅，咁我抵死。但係封殺前我做主角嘅戲響(喺)香港收3千萬，咁又係咩玩法？睇唔起我嗰啲同行，其實咁嘅成績你哋又試過未？但係如果因為我嘅立場而輸，咁我唔會覺得自己羞恥囉！所以我出親街，都岳到個頭好高。」 強調無食軟飯 阿澤又指被雜誌及路人笑食軟飯：「我早幾年搵落嘅錢，寫我嗰個，一世都未必搵到！層樓我買嘅，食我嘅，著我嘅，連佢揸緊架Ben屎都係我送嘅，我點樣食軟飯呀……試過去睇醫生，撞到個八婆，佢叫我唔使咁辛苦，叫個老婆出嚟做咪得囉！如果我叫得郁我老婆出嚟做，我會叫佢做殺手，第一個就殺你個……」 娛樂組
|
| |
| |
;){kind=small}
