【明報專訊】近年不時發生學童輕生個案，兒童同青少年患精神病嘅數目都不斷上升；為基層學生免費補習而廣為人知嘅陳葒校長，最近發起「全城關懷學生行動日Roly-Poly Day」，以三色不倒翁為標誌鼓勵學生，象徵「色彩生命屹立不倒」。 呢個活動會喺3月23日至25日舉行，到時喺九龍公園廣場會有5米高嘅三色不倒翁，同埋200個80厘米高嘅七彩發光不倒翁展出(圖)，現場亦會有遊戲、閱讀、自製不倒翁等攤位，仲有唱歌、樂器等表演。大會仲邀請咗教育專家同家長嚟分享子女教養教育心得，亦有網台主持即場直播以關懷學生為主題嘅節目。 Emily噚晚click咗入「全城關懷學生行動日Roly-Poly Day」嘅facebook專頁睇，見到唔少名人、教育界及演藝界人士等都拍片支持活動，包括深受大人細路歡迎嘅麥兜。
|
| |
| |
;){kind=small}
