【Emily】長跑三鐵高手 李碧茜轉任教育局副秘
[2025.02.04] 發表
【明報專訊】原任運輸及物流局副秘書長嘅李碧茜(圖)噚日起轉做教育局副秘書長，接替同日出任社會福利署長嘅杜永恒。翻查資料，原來李碧茜係長跑同三項鐵人高手，參加過超過10次「毅行者」，亦係賽事中首名14小時內完成項目嘅女跑手。
李碧茜係資深AO，做過多個崗位，包括副康文署長(康樂事務)，2023年1月起轉任運輸及物流局副秘書長。佢2013年接受運動雜誌訪問話，自己鍾意長途同特別難嘅長跑賽事，覺得經歷痛苦嘅過程先享受到真正嘅快樂。兼顧做官同長跑，李碧茜話「有興趣做就自然諗到方法、抽時間做」，當時佢話周末會由朝早8點操到晏晝4、5點。政府舊年12月底公布任命杜永恒做社署署長，噚日生效。
更多港聞
【明報專訊】新一屆勞工顧問委員會兩年任期上月1日開始，其中舊年以第二高票當選僱員代表嘅工聯會李兆彬，未上任就以私人原因辭任。勞工處噚日公布勞...
詳情
相關新聞
