【明報專訊】人大常委就香港政改作出決定後，香港政府急不及待推出新一輯政改宣傳片，同大家講只要立法會通過政改方案，以後特首選舉嘅時候，就唔使坐喺屋企齋睇電視，可以親自去票站投票。 大嚿電視變板腦 今次嘅短片仲大打生活化牌，「循序漸進」顯示畀大家知，屋企部電視機都已經進化到第三代喇——由1996年第一屆特首選舉時嘅傳統大大嚿電視機，演變成2007年選舉時流行嘅薄身電視，到2012年嘅液晶電視。只要政改落實，2017年大家就可以拎住部平板電腦搵路去票站投票，唔使得個睇字，強調「有票，梗係要！」 網民：騙徒手法層出不窮 不過，Emily見網民嘅評價都好負面，有網民仲提醒大家「騙徒手法層出不窮」，呼籲市民唔好「袋住先」，仲話「企硬！袋住先，衰硬！」
|
| |
| |
;){kind=small}
