【明報專訊】想不到張智霖(Chilam)一句戲言，卻惹來愛狗的網民發起抵制Chilam行動，由於日前Chilam在訪問中提到家中愛犬帶金好難教，點樣教都在屋企周圍屙尿，當時他就戲言：「再教唔聽我就攞去人道毁滅。」怎料這句話卻觸動愛狗之人，認為此舉是教人去殺狗，奪去狗仔性命，所以要發起杯葛他的行動。 「一定唔會拋棄帶金」 為免情况引發更多誤會，昨日Chilam就此事接受訪問，強調自己當時正在講笑，所以未察覺大家有可能會信以為真，如帶來誤會亦感到不好意思。他說：「其實當日訪問氣氛好輕鬆，所以有少少言語疏忽，都要講聲唔好意思，令到大家有所誤會。我和屋企成員『帶金』好有感情，佢係會隨處小便，但又奈佢唔何，唯有用下方法解決，大家放心，帶金好活潑好健康，我一定唔會拋棄佢。」他指當時只是打個比喻，自己絕不會放棄狗仔，因為養寵物是一世承諾。 其實Chilam真的好惜帶金，日前明報記者才遇上他與靚靚袁詠儀抱住愛犬帶金一齊去買電器，如果嫌棄牠，就不會一直抱住呵護照顧，所以大家可以放心。 娛樂組
|
| |
| |
;){kind=small}
