【明報專訊】聽日就係台灣總統選舉投票日，唔少香港政界人士已經去�鬙x灣觀選，部分政黨更加組團去，拜訪�鵀U黨�黻捁嬼`部。其中民主動力同華人民主書院合辦「台灣觀選團」，唔少泛民區議員、社運人士都有隨團，佢�]噚日仲同台北市長柯文哲(柯P)會面，其中沙田區議員麥潤培就同柯P自拍兼擺上網，成功呃Like。

之鋒：睇社運如何走入議會

民主動力呢個台灣觀選團，由民主黨東區區議員趙家賢帶隊，佢�]前晚出發時，指定動作係�鷎鰴齞v大合照，相中可見呢個團都有唔少政界中人參與，好似學民思潮黃之鋒、周庭，社民連黃浩銘、陶君行，學聯前秘書長周永康等。黃之鋒同Emily講，今次選舉結果應屬「預料內」， 但希望睇�麊戴B點樣由街頭走入議會。佢噚日凌晨兩三點先到達，噚晚去候選人選舉活動趁熱鬧，唔少台灣人都認得佢搵佢合照。

另外，民主黨單仲偕、涂謹申、黃碧雲等，噚日未有現身立法會答問大會，皆因亦已出發去觀選。工黨李卓人話工黨都有年輕黨友去，但佢�]4個議員都會留守香港，佢話相信選後台灣政局會更好睇喎，又關注太陽花學運後新興政黨可唔可以成功選到立委。