【明報專訊】靚媽咪鍾嘉欣又匆匆從加拿大返港3日，昨日出席品牌ILLUMA記者會，為女兒Kelly搵奶粉錢，還開心分享與女兒開心事。鍾嘉欣喜歡跟現時9個多月大的女兒Kelly穿母女裝，她興奮說囡囡的第一次﹕「上次回港工作再返回加國幾日，在4月17日是Kelly第一次識叫『媽媽』，數天後就叫『DaDa』，之後再識講『Hi』。現在她識企，每日都轉變得好快，她好好玩又開心。」鍾嘉欣面露得戚表情，大讚愛女幾勁，還說丈夫沒有妒忌女兒先開口叫媽媽，認為最緊要是小朋友身體健康。

為《溏心風暴3》唱插曲

兩年多沒有走進錄音室，鍾嘉欣趁今次返港，為劇集《溏心風暴3》主唱英文插曲，還爆親自為愛女作歌仔。她說﹕「太耐沒有錄歌，有少少不慣。(何時母女合唱？)我作了幾首歌，有一首叫《媽咪晨早起身就望住我》，已有歌詞，是一首兒歌，可以放入廣告一齊播。我與丈夫商量，如果有適合的產品和好品牌，可以母女拍廣告，待她長大留念。」日前她網上分享一張手抱嬰兒相片，她解釋是胞姐剛誕下第二胎兒子，她不想像以前因工作錯過家庭成員的重要時刻，所以臨上飛機返港前匆匆趕去見新生姨甥。

名模Ana R.手抱一歲半女兒Maya現身，小女孩搶媽咪手上咪高峰玩，被現場閃光燈強光閃到想喊，拍照又要拿毛公仔才肯笑。

記者﹕林蘊兒

攝影﹕孫華中