【明報專訊】4名民主派羅冠聰、梁國雄(長毛)、劉小麗及姚松炎被法院裁定因宣誓無效，喪失議員資格，立法會秘書處已立即執行法庭判決，禁止佢�]入立法會會議廳開會，又除去佢�]辦公室「水牌」，雖然4人一度試過硬闖入議會廳，但因避免保安受傷，無繼續強行進入。不過Emily噚日就見到長毛行入會議廳開會，仲坐番�鶭陪�席上，今次就無保安阻撓，佢臨入門口前仲同記者舉「V」字手勢。究竟點解呢？

聯盟代表身分開會 繼續有火

原來噚日立法會福利事務委員會召開公聽會，長毛就以「關注綜援低收入聯盟」代表身分「名正言順」出席，並繼續佢一貫作風，炮轟低津申請門檻太嚴、申請手續繁複且津貼額少，發言依然好有火。唔知日後仲有幾多機會可以睇到長毛�鷊|議廳發言呢。

雖然長毛今次以公眾人士身分出席立法會會議，但都搞到一班秘書處同事幾緊張，原本記者想叫長毛去「咪兜」講幾句，不過秘書處就明言佢唔係議員，因此只可以用咪兜講有關上述會議內容。