【明報專訊】浸會大學傳理學院國際新聞專修四年級學生黃俊鏗，憑住《香港精神》黑白攝影作品，攞到2017國家地理會德豐青年攝影大賽「香港人和事」組別嘅冠軍。 話說黃俊鏗幅作品喺流浮山拍攝，相片描述係「在夕陽餘暉映照底下，流浮山重現了香港昔日的漁港風光。照片中三個推著車，向著對岸繁華都市一步一步前進的大漢，則代表著我們香港，縱使經歷時代變遷，香港人『捱得』的精神始終如一」。黃俊鏗想透過作品，表達香港人無論咩年紀都有「捱得」嘅精神。 兩岸三地歐美3518份作品競逐 佢話原來影相當日有煙霞，相片色調唔係咁理想，但因為有陽光，令到光暗對比更鮮明，所以後期用咗黑白效果處理。 呢次攝影比賽以「香港地，人和事」做主題，分咗4個組別，分別係「香港地」、「香港人和事」、「香港未來」同「手機組」，一共收到3518份來自香港、台灣、中國內地同歐美等13個地區參賽者嘅作品。
|
| |
| |
;){kind=small}
