【明報專訊】古巨基在紅館舉行一連五場的演唱會，前晚第四場演出給觀眾帶來超驚喜表演。上世紀90年代中，TVB將古巨基、古天樂、吳家樂、劉愷威及何遠恆組合成TVB「新五虎」作為力捧對象，想當年他們皆是20多歲的小伙仔。終於在古巨基的呼籲下，TVB「新五虎」在紅館作世紀合體，齊齊在台上合唱《當年情》。5個的年歲是「4」字頭的大叔在台上重溫舊夢，似時光倒流變大細路，台下觀眾受感動勁High。

前晚古巨基介紹嘉賓出場，他說﹕「今日好難得，上次約得四個差一個，今日幾經辛苦搵齊五個。」四虎古天樂(古仔)、吳家樂、劉愷威及何遠恆齊齊在升降台升到舞台，全場觀眾歡呼。古天樂上台第一時間提醒兄弟企前少少，他說﹕「呢個係案發現場位，大家係咪企前少少安全�齱C」基仔笑指他們正好站在案發現場(基仔在第2場跌倒的機關)位置，站前些較安全。

笑基仔堅挺 有巨肌撐住

古仔讚基仔好�牰﹛R「咁都無事！堅挺即係堅挺！」基仔笑說﹕「我係巨肌嘛！」古仔說﹕「哦，你就係落台個�嚝a條巨肌撐住，所以無事呀！」基仔笑說﹕「係呀，我動L咁彈番轉頭。」吳家樂說﹕「唔怪得Lorraine跟你咁多年啦！」他們連番有味互動，令觀眾笑聲不斷。

何遠恆避談李彩華

現場播出五虎當年的合照，工作人員拿道具上台，五人重影一張跟當年動作與表情一樣的照片。基仔落台換衫，四虎在台上傾偈搞笑，基仔成為目標，他們輪流講對基仔的印象。古仔說﹕「基仔好飲得、好識做蛋糕、整餅，又好跌得囉，咁都可以繼續撐落去，好�洁I」何遠恆讚基仔是好男人。古仔似開籠雀，取笑何遠恆說﹕「咁你即係無講�炾捸A我最近睇新聞，你同彩華散�驉K…係咪個晚我�]約食飯你無出現，去�鷚u所以散呀？」已離開娛樂圈的何遠恆無力招架，耍手擰頭話﹕「唔好講呢�齱C」劉愷威就話基仔成日好濕，總之好濕(汗濕)啦！

邊唱邊握手 全場氣氛高漲

古天樂成為影帝又是香港演藝人協會會長，但大家最難忘的是他唱《今期流行》配合的「拜神舞」。現場觀眾最興奮是四虎問觀眾想聽什麼歌時，有人大叫《男朋友》，又要點唱《今期流行》。現場即響起《今期流行》的音樂，古仔聽到後即指�荓惆謋x監制錢國偉的位置話說﹕「肥仔，你唔係真係玩�洇r？」而何遠恆、吳家樂已隨�茩絳痐j跳古仔當年的拜神舞，令觀眾笑聲歡呼聲四起，不過古仔就求大家放佢一馬，他說﹕「唱歌可以唱，但舞就唔好逼我跳啦！我拜神拜�鼲搹h年，唔好搞我啦！ 」之後基仔出場，與四虎一齊唱住《我愛毛查查》一邊同觀眾握手，全場氣氛極度高漲。前晚基仔的訓練班同學袁文傑跟女友到台下捧場。

新五虎剩吳家樂未離巢

TVB「新五虎」是當年被TVB力捧的小生，其中四人已離開TVB，只剩下吳家樂仍在等待機會。家樂跟其士集團主席的女兒周蕙蕙結婚，育有三子女，是個好爸爸。古仔、基仔與劉愷威離開TVB後有更大發展，而何遠恆早已退出娛樂圈在內地投資生意，他曾跟李彩華拍拖3年，已談婚論嫁，但今年初宣布分手。

文﹕娛樂組

■更多娛樂猛料 ﹕ol.mingpao.com