【明報專訊】大埔中心對出一段逾百米長?林村河，噚日中午河邊泛起大片熒光綠色，好似倒�髐j量抹茶落河咁，有居民懷疑係河流遭非法排放污染。不過Emily好快就追查到，令河水變色?「幕後主角」，原來就係打擊非法排放?環保署。

街坊誤會 環署澄清

環保署回覆本報查詢?時候，都話接到大埔區居民查詢，仲叫大家唔使擔心。發言人話，署方一向會定期監察本港主要河溪，利用熒光色粉測試區內渠管有無錯誤接駁同滲漏，如果有，就可以透過色粉追蹤污染源頭同排放路徑。

發言人又話，熒光色粉符合美國環境保護局要求，對魚類或鳥類無影響，加上會自然分解，所以唔使擔心，如果仲有疑問，可以致電環保署熱線2838 3111查詢。

除?河流，環保署平時都會為懷疑有污水錯駁?大廈或店舖做色粉測試，然後將確定錯誤接駁?個案轉交屋宇署跟進，令違法行為無所遁形。