【明報專訊】45歲蔡少芬與張晉結婚11年，育有8歲大女張楚兒及6歲細女張信兒，是幸福四口之家。昨晚蔡少芬與張晉在社交網拍片宣布將有新成員加入的喜訊，蔡少芬已懷有第3胎，將變成五口之家。張晉接受訪問透露今胎是意外，他們都開心接受，仔女都無所謂。 意外造人成功 蔡少芬早前在內地節目自爆早年曾經小產，幸好相隔半年再度懷孕，於2011年誕下大女楚兒，2013年再為張晉誕細女信兒。隨着女兒日漸長大，蔡少芬與張晉在沒計劃下意外造人成功，昨晚開心報喜。張晉上載視頻，與蔡少芬模仿之前網上瘋傳的巴士車長與乘客的「你有咩問題？」短片對話，張晉最後問蔡少芬：「我問你個肚係咪有一個人？我嘅？」蔡少芬答：「係呀！」之後再笑問張晉：「你驚唔驚呀？10個月！」張晉說：「驚咩呀！」搞笑宣布喜訊。 張晉開心回應說：「BB都有一段時間，揀男定女？有得揀咩，所以唔揀，係乜嘢就乜嘢，到時就知……總之是開心，多謝大家！其實唔係計劃之內，是意外，上天要畀我哋就好開心咁接受，多謝大家！」 娛樂組 ■更多娛樂猛料 ﹕ol.mingpao.com
|
| |
| |
;){kind=small}
;){kind=small}
