「你收聲呀!我同社工講緊嘢啊!」星仔媽媽難念的經

[2021-09-07]

「你收聲呀!我同社工溫sir 講緊嘢啊,我唔想聽到你把聲啊,你好煩啊!」電話的另一頭傳來學生家長對她兒子的一聲怒吼。我輕嘆一口氣,繼續說道:「星仔(化名)媽媽,我感受到你這段時間要照顧阿仔已經好辛苦,我明白你都好着緊阿仔,但有時候可能你都要退後一步,照顧好自己先……」掛掉電話後,我不禁重重地呼了一口氣,然後抖擻精神,開始在腦海中計劃接下來應該如何介入這個個案。

讚賞孩子改善關係

「溫sir,𠵱家星仔喺屋企有好大進步啊!佢喺家舍多了機會同其他舍友交流,明顯見到星仔嘅表達能力高咗。之前有次我病咗,星仔竟然主動幫我落樓下買餸,我當然都有畀佢打機獎勵佢啦!……係啊,我最近都多咗讚賞他,我哋嘅關係都改善咗好多,唔會好似以前咁郁啲就嘈交!同埋之前心理學家搵咗我同老公一齊傾,我發覺原來我有時都放得太多心思喺星仔到,嗰次我仲喺心理學家面前同老公大吵咗一場啊!我當時諗,今次唔係離婚就係要有所改變,但我諗唔到我老公嗰次之後,有好大嘅轉變啊!𠵱家我哋全家都好好,將重心由放喺星仔轉到兩公婆嘅關係當中……」又一次掛掉電話,這次的我,不禁微笑起來,打從心裏替他們高興。

家家有本難念的經,作為學校社工的我,清楚明白這句話確實不假。然而在很多時候,我又會發現每個家庭都有其優勢,甚至這些優勢往往是最後解決問題的重要資源。家庭就是一個如此有趣的系統,某些時候,我們或許只看到家庭內的種種問題,而看不到家庭中一些優勢之處。但當有人稍作提醒,又或許環境稍微轉換,家庭的優勢似乎又足以把它的缺點掩蓋。

解決問題的重要資源

要發掘家庭中的優勢,其實並不困難。只要能做到接納、鼓勵與關懷我們的家人,自然不會被家庭中的問題所蒙蔽。正因為發現香港不少家庭都因着各式各樣的問題和困難,忽視了內在優勢,香港家庭福利會遂致力推廣家庭幸福。除了提供一系列有質素的綜合家庭服務及促進家庭幸福的家庭支援計劃外,也提供涵蓋兒童、青少年及長者等不同年齡層的服務,務求透過全面多樣的服務,去幫助每個家庭善用其優勢來創建家庭幸福。

相關文章