【Emily】戴黑框眼鏡 鄧炳強話為增殺氣
[2020.09.26] 發表
【明報專訊】唔少市民對警務處長鄧炳強(一哥)戴嘅黑色粗框眼鏡(圖)印象深刻，原來一哥以前係戴無框眼鏡，因為覺得書卷氣「重得滯」、「唔夠殺氣」，後來就換咗粗框眼鏡。
噚日民建聯立法會議員葛珮帆(EQ)訪問一哥，入正題之前，EQ先同一哥玩「快問快答」。EQ話一哥副黑框眼鏡好多市民都好鍾意，「覺得好有型」，問係邊個買同戴咗幾耐。一哥就話係自己買嘅，戴咗粗框款眼鏡已經7、8年，因為覺得無框眼鏡唔夠「殺氣」，所以轉戴黑框眼鏡。EQ就話唔覺得呢個黑框眼鏡夠殺氣，仲話「呢個幾靚仔吖」，一哥即刻笑到瞇埋咗眼。
EQ又問一哥覺得自己定係江sir(輔警支援課高級警司江永祥)靚仔啲，一哥就笑話呢個要問番EQ，又話或者要整個網上投票。EQ問一哥係咪曾經有8嚿腹股，一哥就話最好時都有6嚿腹肌，𠵱家就得番一嚿。
更多港聞
【Emily】龍捲風隔15年再現 機場轉20分鐘
【明報專訊】天文台喺facebook發帖，赤鱲角噚日晏晝4點幾出現龍捲風，維持約20分鐘，機場攝影機拍下情况，其間有飛機升降，有驚無險。 ... 詳情
【明報專訊】民主黨委託香港民研做民調定議會去留，原預計下周三（30號）有結果，但香港民研主席兼行政總裁鍾庭耀噚日話民調進度相當好，估計噚日有...
詳情
【明報專訊】油塘區議員王偉麟喺facebook批評運輸署官僚，油塘商場「大本型」2012年9月落成，出面馬路每日人來人往，市民等足8年後先有...
詳情
相關新聞
