愛要及時喻政改陳勇老孫上身
[2014.08.22] 發表
【明報專訊】港區人大代表陳勇噚日上深圳出席政改座談會，佢喺會後見記者時忽然「孫悟空」上身，以愛情比喻政改，呼籲泛民議員，要好好珍惜今次嘅機會，否則就會好似周星馳扮演嘅「孫悟空」咁，「曾經喺我面前有段好值得珍惜嘅感情，如果唔識得珍惜，最後後悔」咁話。
陳勇話，香港市民都好希望2017年可以實行一人一票選特首，佢仲話，大多數民意都希望「 叉燒飯都食住先」。陳勇又話，最近好流行淋冰水，但就希望泛民唔好用冰水淋熄市民對普選嘅熱火；覺得泛民同中央多點溝通，有助為泛民鬆綁。
陳勇話，喺政改座談會上，佢聽到好多深刻發言，令佢有好深感受， 包括「無國際標準， 只有基本法標準」、「無真假普選，只有好普選」。
更多港聞
【明報專訊】以巴武裝衝突7月以來不斷加劇，造成近2000人死亡，其中加沙地區嘅短暫停火前日（20日）清晨屆滿，香港仁醫歐耀佳早前代表紅十字會...
詳情
相關新聞
