赴歐推廣香港 財爺再替CY
[2014.10.25] 發表
【明報專訊】梁避去「暴亂邊緣」旺角
香港佔領運動仲係風頭火勢，特首梁振英CY都唔敢離港，要留港睇住個局勢，所以貿發局搞嘅歐洲推廣香港活動，又派咗財政司長曾俊華代佢去。政府噚日就正式公布，財爺會喺10月28日去歐洲，喺巴黎、米蘭和倫敦進行4日訪問，出席多項商貿推廣活動，並與當地政商界領袖會面。
CY除咗唔出埠，仲避免去「瀕臨暴亂邊緣」嘅旺角。CY原本應承去旺角球場，出席「特首盃」慈善足球賽嘅決賽活動，但佢已經回覆主辦單位，有公務在身要甩底！特首辦話CY有公務在身未能赴會，但有活動組織都話旺角咁「危險」，球場咁近佔領區，CY梗係唔去啦。所以，星期日嘅「特首盃」係無特首，但仍然會有足球賽同精彩表演活動。
更多港聞
相關新聞
