小便斗「無遮擋」易尷尬 男士協會去信立會促改善
[2015.03.13] 發表
【明報專訊】大家一直都比較關注女士去廁所排長龍嘅問題，較少留意男士去廁所「無遮無擋」嘅壓力問題；香港男士協會就去信立法會，要求立法會同相關政府部門加強男廁私隱，話公廁嘅小便斗區「無遮無擋」，令部分男士去廁所時感到壓力同尷尬，希望政府可以跟進改善設計。
適逢立法會發展事務委員會擬議修訂《建築物(衛生設備標準、水管裝置、排水工程及廁所)規例》，有團體建議可以增建「無分性別廁所」。男協去信立法會表達關注，認為外地設立「無分性別廁所」嘅處理參差，出現男女共用嘅情况，希望有關當局考慮建議時，要關注男士嘅私隱權同壓力，費事令男士去廁所時無法安心。
更多港聞
【明報專訊】嘉諾撒聖心學校之前喺學校播放內地兒歌《中國是我家》，有家長擔心有洗腦之嫌，喺網上爆料引起傳媒關注。有聖心家長噚日同Emily話，...
詳情
相關新聞
