青年新政貼海報 民主黨海報被遮
[2015.07.18] 發表
【明報專訊】11月區議會選舉臨近，各黨派想出選嘅人都打崩頭爭曝光，但手法當然要光明磊落。工黨鄭司律前晚揭發一件激氣事，喺太子基隆街一帶見到一個青年喺街頭幫傘後組織「青年新政」太子區社區主任趙旭光貼宣傳海報，起初不以為意，之後發現青年除咗貼海報，仲順手撕走同區有意參選嘅民主黨馮文韜宣傳海報。鄭司律同Emily講，當時睇唔過眼喝止對方，追問原因，追咗成條街呢個青年唔答就走咗去。
亦有人喺同區發現，有人貼青年新政海報遮住民主黨海報(圖)。
更多港聞
相關新聞
