張宇人話劈友易過剪布
[2015.07.21] 發表
【明報專訊】立法會財委會上星期一口氣加開5日會，審議創新及科技局撥款申請，最終都因為有民主派議員「拉布」而未能完成審議。財會主席張宇人噚日話，自己無權力「剪布」，亦唔識得「剪」，又笑笑口話「劈友(即用刀斬人)容易過剪(布)」。
張宇人噚日接受DBC節目《早晨八達通》訪問時話，「我年紀這麼大從事飲食業，我未賣過腸粉。牛肉刀我有，以往劏雞自己劏都有(刀)，總言之，牛肉刀、西瓜刀咩刀都有，所以劈友容易過剪，所以我不懂剪」。
佢亦強調市民對議會有期望，唔可以議而不決，相信由於財委會已經加開會議，審議創科局撥款申請，相信10月立法會復會後就可以通過撥款。至於會唔會連任財會主席，張宇人話自由黨同建制派有協議，所以佢好大可能唔會連任。
更多港聞
【明報專訊】人民力量陳志全（慢必）早前撰文透露佢住老人院嘅媽媽，喺唔知情下被登記咗做選民，噚日立法會一個委員會討論嚟緊區議會選舉嘅宣傳計劃，...
詳情
相關新聞
