郭榮鏗再添丁：想港人生多啲 北大人請收聲
[2015.09.21] 發表
【明報專訊】公民黨法律界議員郭榮鏗(Dennis)上周末再添丁，佢噚日喺facebook上載抱BB相，母子平安。Emily恭賀Dennis，多口問句佢𠵱家有兩位公子，會唔會考慮追多個女呢？Dennis就話當然想啦，但忙於湊仔嘅佢都不忘談政事，話如果想香港人生多啲BB，唔該請中聯辦主任張曉明、全國港澳研究會會長陳佐洱等北大人收聲，唔好煩香港人咁多喎。
笑問「去殖」不可改洋名？
Dennis話，如果京官事事過問香港事務，佢作為議員就真係好忙，咁邊有時間生女？佢仲話京官、學者再講咁多嘢，香港人真係唔敢生BB！Dennis一早已經幫BB改名Evan，但噚日陳佐洱話香港要「去殖民化」，Dennis就講笑反問，「去殖民化，係咪唔可以幫個仔改洋名？」
更多港聞
科大捨連鎖店 讓學生辦café 社企可寄賣 自負盈虧料有賺
【明報專訊】不少年輕人都有個café（咖啡店）夢，要畢業後才可實現？未必。科大破天荒將原定外判予連鎖快餐店的項目，改讓有志創業的學生營辦，闢... 詳情相關新聞
