陳展鵬認唔抵得洪永城﹕學晒我啲嘢就做男主角
【明報專訊】台慶劇《張保仔》今晚首播，洪永城、陳凱琳及陳展鵬等一眾劇中演員昨拉大隊到長洲宣傳造勢。眾演員在醒獅開路下步行到北帝廟祈福求好收視，沿途吸引大批市民影相圍觀，洪永城、陳展鵬及陳山聰親舞醒獅助興。至於盛傳不和的洪永城和陳展鵬關係撲朔迷離，雖在碼頭時洪永城主動搭對方膊頭影相示好，不過在廟祈福時，兩人不時背對背，全程甚少交談，午膳時又分開枱坐。兩人受訪時笑談不和傳言，但合照時也難掩尷尬之情。
「唐詩詠咁筍都畀佢識到」
陳展鵬覺得今次遊街宣傳幾特別。提到傳他與洪永城不和，是否當宣傳？陳展鵬笑言﹕「其實我們拍攝時已不和，我是官他是海盜，積怨了幾千年。(有心病？)積了很久，要慢慢拆，不是一朝一夕。」對於有指他唔抵得洪永城上位快？他說：「我無唔抵得。他跟我合作最多，我係唔抵得佢咁聰明，學晒我啲嘢後就去做男主角。」他又否認曾怒斥對方當片場是遊樂場，自言很玩得，不知道是誰說的。洪永城拍攝很愛玩？陳展鵬指對方很認真，背台辭很犀利，是最認真一個。他笑言心病一定有，數都數唔晒，他說﹕「最嬲佢一入TVB就識到女仔，唐詩詠咁筍都畀佢識到，我入TVB咁多年，拖手仔都未試過。真的是男人最痛，自己要檢討。」
洪永城﹕大家有討論無鬧交
對於陳展鵬認有心病，又指他在其身上學晒啲嘢後就做男主角？洪永城聞言先是傻笑，之後再認真說在演戲層面上，若沒陳展鵬中途教他咁多，給予他很多鼓勵和經驗，他不會有進步和做得好。即是踩住展鵬上位？洪永城即一面愕然，並笑言﹕「嘩！你講得好難聽，我不答了。不過多謝公司給予機會，我會努力做好。」覺得自己是否上位快？他說不會，加入TVB都3年，覺得此劇是上天送給他的禮物。可有與陳展鵬鬧交？洪永城直言無，討論就有，但每次講戲都不夠對方拗。私下兩人間中會傳短訊，以前也會一齊看電影。笑他現在只顧跟唐詩詠去看？洪永城希望大家不要太關心他的故事，可以關心一下陳展鵬的故事。陳展鵬自言沒拖拍？洪永城笑言﹕「我唔信，佢咁有魅力，可能太忙，太專注事業。」
陳凱琳唔覺兩人有心病
陳凱琳表示感覺不到陳展鵬和洪永城有心病。有指洪永城臨時獲加戲分？她說兩人其實差不多各佔50%，陳凱琳說：「他們之前合作過，幾有默契，沒見過他們鬧交，只有我同洪永城鬧交，他常鬧我是臭婆娘，我叫他變態佬。」見她全程與洪永城有講有笑較老友？陳凱琳笑指對方愛搞笑，兩人吹水而已。
記者﹕陳釗
