郭炳湘樂見多年輕人選區會
[2015.12.21] 發表
【明報專訊】今屆區議會選舉，明顯多咗年輕人參選同投票，無論泛民定建制，都有唔少年輕參選人勝出；新鴻基前主席郭炳湘話，好高興見到呢個現象，仲令佢更有決心，希望透過提供獎學金，為公共機構同政界培養年輕人才。
其實，郭炳湘喺四五年前覺得社會對政治人才有需求，就用個人名義設立「郭氏獎學金」，資助卓越嘅香港或內地學生，去英國或美國頂尖學府攻讀一至兩年本科或碩士課程，學費、生活費全包，受助學生入選條件之一，就係要立志學成歸來從事公共服務。
而呢個獎學金亦接受申請，3月底截止，今次提供5個名額，包括英國牛津大學公共政策碩士研究生名額兩個、兩個本科生名額主修牛津PPE(哲學、政治及經濟)同其他與公共事務有關課程等，有興趣同學仔可上www.kwokscholars.org睇吓詳情。
更多港聞
相關新聞
