田二少企足全程捧娜姐 第二日晨早上電台
[2016.02.19] 發表
【明報專訊】樂壇天后麥當娜第一次來港開騷，新民黨田北辰前晚都去捧場，雖然演唱會遲咗開場，但田二少話娜姐唱足兩個鐘，全場high爆。田二少雖然已65歲，但都睇得好投入，話同其他觀眾一樣企足全程，仲話唔知係咪演唱會「太正、太high、太興奮」，佢噚日一早就醒咗，仲去咗電台做訪問。
倡新設計巴士增護欄
田二少喺facebook話，原本噚日朝接受港台電話訪問，講番九巴乘客撞爆巴士玻璃事件，但既然早咗起身，咁不如親身去電台拜年，佢就一路講住電話一邊去電台，喺電台節目期間走咗入直播室，連節目主持人都嚇一跳。講番巴士事件，佢已經向巴士公司建議，喺近車門位置增設扶手，同埋喺新式設計嘅巴士車門加設類似窗花嘅護欄，防止乘客撞爆玻璃跌出車。
更多港聞
【明報專訊】一帶一路成為國策，除咗特區政府不斷講，商界都唱好，廠商會會長李秀恆噚日喺新春團拜上話，嚟緊4月會組團去中亞「絲綢之路」考察團，8...
詳情
國際校繁簡字並教﹕學生無混淆 學者建議多讀繁體字書
【明報專訊】教育局推動學生在高中認讀中文簡體字惹關注，主流學校以外，部分國際學校亦有教簡體字，如小學以繁體字學習，中學則認讀簡體字，亦有學校... 詳情
相關新聞
