吳克儉論盡踩單車險自炒
[2016.03.07] 發表
【明報專訊】食物及衛生局長高永文早前主持跑步禮時跌倒受傷，噚日教育局長吳克儉主持「上海商業博愛單車百萬行2016」時就差啲炒車。話說吳局長帶頭排踩單車起步，但一開始就雞手鴨腳，單車左搖右震，好彩最後無炒車，總算順利起步。
痛心學生輕生
活動後吳克儉講番教育問題，話關於TSA小三試行研究計劃，邀請50間學校參與，考評局已經發出邀請信；又話據佢理解已經有學校報名，未有聽到有學校拒絕。佢仲話反而有唔少私立學校都報名，但呢方面會交番畀考評局跟進。
對於近期相繼有學生輕生，包括日前中大生自殺，吳克儉話「很痛心，真是很痛心」，呼籲大家，生命誠可貴，希望年輕人明白好多時候都會面對逆境，但逆境自強係重要嘅。佢又呼籲學校、老師同家長都要加把勁，多啲關心年輕人。
更多港聞
調查：24%中小生日上網3小時 沒收手機非良方 宜親子協商
【明報專訊】智能電話普及，有調查發現，近兩成半受訪中小學生每天平均上網3小時或以上，七成受訪者常上網觀看視頻及聽音樂，四成人常上網與朋友聊天... 詳情相關新聞
