下周三半影月食 或要雨中觀賞

【明報專訊】上周三出現日偏食之後，下周三(23日)夜晚有機會睇到半影月食，但根據天文台噚日公布��9日天氣預報顯示，下周三天氣多雲有霧，又有狂風雷暴，市民可能要�鰣楞B中觀賞呢項天文現象。

天文台話今次半影月食同舊年4月4日月食一樣，都係月出前已開始，月亮會帶食而出，�鬗U晝5時37分開始，晚上7點47分出現「食甚」，月食最佳觀賞時間全程3小時28分，到晚上9時57分結束。

由於月食�黈伬啎諞G仰角較低，觀賞地點最好可睇到東同東南方地平線，如石澳、萬宜水庫東壩同大帽山頂。

下次要到9月

半影月食係指月亮只進入地球半影，唔進入本影，月亮�鴷�度只會略為轉暗。天文台又話，半個月內相繼出現日食同月食唔算罕見，上一次係2012年5月21日同6月4日分別出現日環食同月偏食。若果錯過今次機會，就要到9月17日，香港上空會再出現半影月食。